ایران سرافراز | اخبار | سیاست | ورزش | جامعه اخبار ایران و جهان – سیاسی – اجتماعی – ورزشی – حوادث – خبری – تحلیلی
فاطمه دور دختر خيرالانام
همسري پيغمبره قائم مقام
اوغلي حسن ابن الامام الامام
بند دل و جاني حسين تاپدي نام
نائبه سي زينب شيوا کلام
فاطمه دور صاحب صلح و قيام
فاطمه دور مطلع و حسن ختام
فاطمه دور درديميزه التيام
سفره سينون ريزه خوري خاص و عام
درگه زهراده نقدري وارام
عشقيني من سيم و زره ساتمارام
خدمت ايدم هر نقدر دويمارام
قائل نوکرليق اولام، اولمارام
کاش اولا که فاطمه اولسون آنام
آري ويرن عزت و جاه و مقام
فاطمه دور فاطمه دور والسلام
...
فاطمه بير گوهر نايابيدور
فاطمه خورشيد جهان تابيدور
کعبه که ميلادگه نوريدور
فاطمه نون طوفينه بي تابيدور
فاطمه نون منکري هر رتبه ده
عمري بطالتده گچوب خوابيدور
فاطمه دور سجديه عرشي سالان
گوهر ايماني اونون نابيدور
فاطمه هر سجده ده معراج ايدور
ارض و سما گوشه ي محرابيدور
خانه سينون ظلميله يانميش دري
حضرت جبريل اوپن بابيدور
کوثري الله آدينا خلق ايدوب
چونکه اونون مهريه سي آبيدور
عشق حسيني بو حسينچي لره
قسمت ايدن مادر اربابيدور
صاحب عزاسي آقامون بير کلام
فاطمه دور فاطمه دور والسلام
شاعر: اکبر پورآقا
